Португалиядағы халықаралық шоколад фестивалінде әлемдегі ең қымбат кәмпит көпшілік назарына ұсынылды, деп хабарлайды Baq.kz ақпарат агенттігі ria.ru порталына сілтеме жасап.
Әлемдегі ең қымбат кондитер өнімінің құны 7 728 еуро тұрады. Оны әзірлеу барысында запырангүл талшықтары, ақ трюфель, мадагаскар ванилі және құпия ингредиент қолданылған. Сондай-ақ, кәмпит 23 каратты алтынмен қапталған.
Шоколад әзірлеуші маман Даниэль Гомеш кәмпитті әзірлеу үшін бір жылдан астам уақыт еңбек еткен. Гомеш бұл тәттінің шектеулі топтамасын ғана әзірлеген. Топтамада небәрі 1 000 дана кәмпит бар. Әрбір кәмпит лакталған қара ағаш пен хрустальдан жасалған және Swarovski кристалдары, жақұт пен алтын өрнектермен әсемделген қобдишаға ұқсас қаптамаға салынған. Белгілі болғандай, қазіргі уақытта эксклюзивті шоколад өнімдері Біріккен Араб әмірліктеріне, Ангола, Аргентина мен Ресейге жөнелтілген.