Миллиард жинаған мультфильм
Walt Dіsney студиясының «Мұзды өлке-2» туындысы әлемдік кинематография тарихында ең көп қаражат жинаған мультфильм болып танылды. Кассалық алымы 1,325 миллиард доллардан асып түскен. Осыған дейін толықметраж анимациялық картиналар көшбасшылары «Суперсемейка-2» (1,243 миллиард доллар) және «Мұзды өлке» (1,281 миллиард доллар) болған. «Мұзды өлке-2» – студияның былтыр бір миллиард доллардан аса табыс тапқан алтыншы киножобасы. Осы соманың біршама бөлігі халықаралық прокаттан түскен.
