Мавританияда мигранттар қайығы апатқа ұшырады
Мавританияның жағалауына жақын жерде мигранттар мінген қайық аударылып, 58 адам қаза тапты, деп хабарлайды «Хабар 24».
Марқұмдардың арасында әйелдер мен балалар бар. Тағы 83 келімсек жағаға аман-есен жеткен. Ақпарат құралдарының хабарлауынша, қайық қарашаның 27-сі күні Гамбиядан шыққан. Бірақ жолда жанармай таусылып, апатқа ұшыраған. Жалпы қайықта 150-дей мигрант болған. Айта кетейік, соңғы жылдары Еуропаға бет алған гамбиялықтардың саны көбейген. Ал ресми дерекке сүйенсек, 2014-2018 жылдары кәрі құрлыққа 35 мың гамбиялық табан тіреген екен.
