Кеше Киевте Қазақстан Республикасы Парламенті Сенаты төрағасының орынбасары Бектас Бекназаров Украина Президенті Владимир Зеленскиймен кездесті.

Бұл туралы ҚР СІМ баспасөз қызметі хабарлайды.

Сенатор Қазақстанның Тұңғыш Президенті - Елбасы Нұрсұлтан Назарбаевтың, Қазақстан Республикасының Президенті Қасым-Жомарт Тоқаевтың және Қазақстан халқының атынан Украина Президентін лауазымына ресми кірісуімен құттықтап, бауырлас Украина халқының игілігіне арналған қызметінде сәттілік тіледі. Кездесу барысында қазақстандық-украиналық қатынастарды жандандыру мәселелерінің кең аясы талқыланды.