Партияластарыма алғысым шексіз

Праймериздің бірінші кезеңі өтті. Мен биыл алғаш рет ұйымдастырылған партияішілік сайлау – праймеризге қатыстым.

Праймериз өткізудегі мақсат – қатарын адуыны мықты жас мамандарға, ел қалауларымен, өз аймағында сөзі өтімді, беделге ие азаматтармен толықтыру.

Қармақшы ауданы бойынша 5 мыңнан астам партия мүшесі бар екен. Мен, үгіт-насихат кезінде халықпен кездесулерде батасын берген ақсақалға, үміт артқан жастарға рақметімді айтқым келеді. Бұл сіздердің мен үшін зор сенімдеріңіз деп білемін. Сенім жүгі ауыр. Десек те ауданымыздың экономикасын көтеру, өңіріміздің гүлденуі үшін бар күш-жігерімді жұмсауға дайынмын. Маған қолдау көрсеткен барша Қармақшы халқына, партияластарыма, осы мүмкіндікті берген "Nur Otan" партиясына алғысым шексіз!

Праймеризге қатысушылар арасында жастар да көп болды. Елге қызмет етемін, халықтың мұңын мұңдап, жоғын жоқтаймын деген жаңа жастардың есімдері де танылды. Жастардың елге танылғаны – болашағымыздың жарқын екенін аңғартады.

Праймеризге қатысып, бақ сынап жатқан барлық азаматтарға сəттілік тілеймін.