Қазақстанда жалпыхалықтық референдум өтеді

Мемлекет басшысы Қасым-Жомарт Тоқаев 2022 жылғы 5 маусымда республикалық референдум өткiзу туралы Жарлыққа қол қойды. Бұл туралы Президент халыққа арнаған Жолдауында мәлімдеді.Қазақстан Республикасының Президенті өз Үндеуінде Конституцияның жаңарған нұсқасында Президенттің барлық саяси күштер мен партиялардан дербестігін бекіту көзделгендігін айтты. Сондай-ақ Мемлекет басшысының жақын туыстарына саяси лауазым иеленуге және квазимемлекеттік секторда басшылық қызмет атқаруға тыйым салынатындығын және құқық қорғау саласы бойынша маңызды өзгерістер енгізілетіндігін жеткізді. Алдағы конституциялық реформа ел дамуының жаңа кезеңі басталғанын көрсететініне сеніміміз мол.

Қаршыға ЕСДӘУЛЕТОВ,
Қармақшы аудандық ардагерлер кеңесінің төрағасы