"Қазіргі мобильді банктік қосымшалар қолма-қол ақшадан қолма-қол ақшасыз есеп айырысудың бастамасы болды. Жеке тұлғалардың мұндай аударымдары әкімшілік тұрғысынан бақылануды талап етпейді әрі салық салу объектісі болып табылмайды", - делінген министрліктің хабарламасында.

Сондай-ақ, кей кәсіпкерлер қызметін жүзеге асыру кезінде жеке онлайн-аударымдар үшін банк сервистерін пайдаланады. Осы тұлғаларға салық салынатын болады, олардың барлық деректері қорытынды есепте көрсетіледі.

"Шағын бизнес субъектілері 2023 жылға дейін табыс салығын төлеуден босатылған. Негізгі жолдардың бірі кәсіпкерлік қызметке арналған жеке шотты пайдалану болып отыр, сол шотқа сатылған тауарлар, жұмыстар мен қызметтер үшін төлемдер түседі", - делінген хабарламада.

Сондай-ақ, министрлік коммерциялық операцияларды дәлме-дәл анықтай алатын қауіпті басқару жүйесін әзірлеуді ұсынады.

Айта кетейік, бұған дейін үкімет мобильді қосымшалар арқылы ақша аударымдарын жасайтын бизнеске салық салу мәселесін қарастыруды міндеті етіп қойған.

Қазір қазақстандық ірі банктердің бірінде клиенттер картаға байланған телефон нөмірі бойынша қолма-қол ақшасыз аударымдар жасауда. Аударым комиссиясыз жүзеге асырылады. Мұндай төлемдер жеке мақсатта, такси, азық-түлік, шаш қию, көлік жуу және басқа төлем ретінде де қолданылып жүр.