Дәрігерлер еңбегін бағалаймыз

Президент Қасым-Жомарт Тоқаев Қазақстан халқының жағдайын ойлап, қазіргідей қысылтаяң кезеңде маңызды Үндеу жасады. Комиссия отырысында сөйлеген сөзінде де қиындықты бірліктің арқасында бәріміз бірге  жеңетінімізді айтып, қанат бітірді.
Расымен біз бүгінге дейін мұндай жағдайды басымыздан өткеріп көрген жоқпыз. Қазір бұл індеттен бүкіл әлем зардап шегіп отыр. Инфекцияның ошағы Қытайдан шықса да, қазір көршілес елде жағдай реттеліп келеді. Бұл қиындықтан шығу үшін бәріміз жұдырықтай жұмылып, жауапкершілігімізді арттыруымыз керек. Өзін, отбасын, өзгелердің денсаулығын ойлайтын әр адам дәрігерлер ұсынған тәртіпті сақтауы қажет. Сонда бұл қиындықтан да қиналмай шығамыз. Қазіргі сәтте медицина қызметкерлеріне қолдау көрсетіліп, олардың еңбегіне үстемақы төленуде. Бұл да қуантарлық жайт. Мұндай шақта ақхалатты мамандарға үлкен жауапкершілік артылып отыр. Сондықтан дәрігерлерге барынша жағдай жасау керек.

Күлшара Қаниева,

аудандық орталықтандырылған кітапханалалар жүйесінің директоры