Ақындар үндестігі (Абай Құнанбаевтың 175 жылдығы)

Аудандық кітапхананың «Сoworking» орталығында Абай Құнанбайұлының 175 жылдығы аясында «Ақындар үндестігі: Абай. Пушкин. Шекспир» атты үш тілде шара болып өтті.

Ұйымдастырушылар облыстық тілдерді оқыту орталығының Қармақшы ауданындағы үш тіл бойынша мамандары Руза Изыкулова, Райкүл Қаратаева  және Асылзат Байқадам.

Шараны ұйымдастырушылардың басты мақсаты - әлемдік әдебиет тарихында ерекше орын алатын шығармаларды тыңдаушылар мен жастарға жеткізу болды.

Кемеңгер Абай атамыз туралы, оның ақындығы, ойшылдығы, дарындылығы жөнінде талай ғалымдар мен әдебиетшілер жазған, жазып келеді, жаза да бермек.

Данышпан Абай атамызбен, орыс классигінің ақыны Пушкиннің және ағылшын ақыны Шекспирдің арасындағы үндестік бүгінгі таңда ерекше көрінеді.

Поэзия патшалығы иелерінің артына қалдырған алтын мұрасы, асыл қазынасы, ұлы сезіммен жазылған дүниелері халықтың жүрегінде мәңгі сақталады.