Желбіре, көк байрағым!

Біз тарих, әдебиет сабақтарында еліміздің қалай құрылғанын, тәуелсіздіктің бізге қалай жеткенін, ұрпағым сауатты болсын деп еңбек еткен ұлы тұлғалар жөнінде оқып танысамыз. Атам, ауданға белгілі ақын Нұртай Түктіғұловтың туған жер, Отан, тәуелсіздік туралы жазған өлеңдері көп. Мен атамның өлеңдерін жатқа білемін, сабақ барысында сыныптастарыма айтып беремін. Қазақ тілі мен әдебиет сабағын сүйіп оқимын. Өйткені тіл арқылы барлығын жеткізесің. Ал әдебиетті жақсы білген адам рухани бай болады. Өскенде атам сияқты өлең жазып, өзім секілді жастарды елімнің патриоты болуға шақырамын.