АУДАН АЙНАСЫ
Газетті – «халықтың көзі мен құлағы һәм тілі» санаған Ахмет Байтұрсынов оның идеология құралы екендігінде жақсы білген. Сол себепті, дархан даланы жайлаған қаймана қазағына газет арқылы үн қатқан. Бүгінде елді ұйыстыратын, жұртты ынтымақ пен бірлікке шақыратын басылымдардың саны артып келеді.
Соның бірі – аудандық "Қармақшы таңы" газеті. Ауданымызда болып жатқан өзекжарды жаңалықтармен ақпараттандыратын басылымда мемлекет басшысы Н.Ә.Назарбаев "Рухани жаңғыру" мақаласы аясында түрлі тақырыптар көтеріліп келеді. Оның ішінде ұрпақтар сабақтастығы мен дәстүр жалғастығына байланысты тың материалдар, "Туған жерге тағзым", қазақ әліпбиін латын қарпіне көшіру мәселесіне қатысты мақалаларды орынды қозғайды.
Ақпарат айдынында өзінің 85 жылдық тарихы бар басылым аудан тынысы мен кәсіпкерлік, мекеме ұйымдарының жұмысын жамағатқа дер кезінде жеткізіп отыр.
Асылбек МОЛДАБАЕВ,
кент тұрғыны.
