Сыңғырла, соңғы қоңырау!

Оқушы ғып білім құйған санаға,
Мектебіңді әр уақытта бағала.
Тұлпар қанша тұяғына сенгенмен,
Ақырында күні түсер тағаға.Үйреткені ұстаздардың өшпеген,
Баға алып қуанғанбыз "бес" деген.
11 жылда таудай болып шығамыз,
Уақыт деген қай адамнан көшпеген.Қоңырауы соңғы болып соғылар,
Сәттілігін тілегендей жолыңа әр.
Бір белесті бағындырып жатқанда,
Бір белесі бұл өмірдің жолығар.Білім дейтін жүк арқалап қанша нар,
Айдынына ақыл, ойдың ау салар.
Біреулермен қоштасып сол қоңырау,
Енді бірін сыңғыр етіп қарсы алар.