"Сыңғырла, соңғы қоңырау"
№79 негізгі мектебінде "Сыңғырла, соңғы қоңырау" атты мектеп бітірушілердің салтанатты жиыны болып өтті. Биыл мектебімізде 9 оқушы үлкен өмірге жолдама алды. Оның ішінде екі оқушы Өтебай Балайым мен Мұратбек Абдулхамит үздік аттестат иегерлері. Жиында мектеп директоры С.Әбікенова сөз сөйлеп ыстық ықыласын білдірді. Сондай-ақ, дәстүрге айналған марапаттау сәтінде мектептің үздік оқушылары, ата-аналар, мұғалімдер мен техникалық қызметкерлер мектеп директорының алғыс хатына ие болды.
Түлектердің қимастық сезімі мен болашаққа деген сенімі олардың орындаған әндерінен сезіліп тұрды.
9 арман, 9 үміт осынша сенім мен осынша тағдыр. Еліміздегі мыңдаған мектептерден мыңдаған түлектердің ұшып шыққанын ескерсек, ересектер қатары осынша адамға, осынша күшке толықты. Қанаттарың талмасын, жас түлектер!
![](/uploads/posts/2019-05/medium/1558789004_kon.jpg)