"Абай және Сыр шайырлары" атты жыр концерті өтті

Өлең - сөздің патшасы, сөз сарасы,
Қиыннан қиыстырар ер данасы.
Тілге жеңіл, жүрекке жылы тиіп,
Теп-тегіс жұмыр келсін айналасы.

Абайды Абай еткен, асыл сөзімен өлең етіп ұйытып, жүрегіне жыр болып байланған қасиеті - өмірден әділет, мейірім, сенім, адалдық іздеу барысында тапқан танымдық олжалары, санасын сарғайтып барып көзін ашқан тұжырым тоғыстары өлең арқылы өріліп жатыр.
Қазақтың бір туар ұлы ақыны, Абай Құнанбаевтың туғанына биыл 175 жыл. Қазақ халқын шын сүйген ұлы дана да дара ақынның шығармашылығына арналған Қармақшы аудандық К.Рүстембеков атындағы «Жыраулар үйінің» ұйымдастыруымен өткізілгелі отырған «Абай және Сыр шайырлары» атты жыр концерті санитарлық талаптарға сай өткізілді. Жыр концертте Сыр сүлейлерінің Абай жайында жазған шығармалары мен Абайың ән - жырлары Сыр мақамдарына салып орындалды.