Өлең-сөздің патшасы, сөз сарасы

Қыркүйек айының 22-25 аралағында Шығыс Қазақстан облысы, Семей қаласы, Абай ауданында жалпы білім беру ұйымдарының оқушылары арасында дәстүрлі ХІХ Абай оқулары төрт бөлім бойынша өткізілді. Байқаудың "Өлең-сөздің патшасы, сөз сарасы" бөлімі бойынша облыс намысын қорғауға Қармақшы ауданынан №80 мектеп-гимназиясының 7сынып оқушысы Жансанова Ақерке қатысып, жүлделі ІІІ орынды иеленіп, аудан, облыс мерейін асқақтатты. Жас дарын Абай және Шәкерім мұраларынан 350 өлеңін , "Ескендір", "Еңлік-Кебек" поэмасын мүдірмей жатқа оқыды. Өңіріміздің абыройын асқақтатар дарынды оқушыларымыз көп болсын!