Көреген көшбасшы, сұңғыла саясаткер
2000 жылы Елордаға көшіп келдік. Біз көшіп барған кезде Астана қаласы 400 000 мыңнан сәл ғана асатын халқы бар негізі өзге ұлт өкілдері басымдау қала еді. Қала қазір миллионнан астам халқы бар, қазақ ұлты басым, инфрақұрылымы әлемдік деңгейге қадам басқан адам танымастай дәрежеге өзгерді. Елордада Әлемдік деңгейдегі мәдени-көпшілік, бітімгершілік шаралары жиі өтіп тұрады. Бұл шаралардың бастауында Тұңғыш Президентіміз Н.Назарбаевтың еңбегін атап өткен жөн. Қазір елорда сол кісінің атымен Нұр-Сұлтан қаласы болып аталатынын өздеріңіз білесіздер. Н.Назарбаевпен жыл сайын Парламентке келіп Парламент сессиясын ашып, Парламенттің алдына міндеттер қойған кезінде және Әлемдік және дәстүрлі діндер өкілдерінің съезі өткен кезде кездесеміз. Оның екі тілде шешендігі мен халықты топтастыра алу қабілеті көреген көшбасшы, сұңғыла саясаткер екенін дәлелдейді.Еліміздің негізін қалаған, елдігіміздің символы, тәуелсіз Қазақстанның төл тарихының бастауында тұрған тұғырлы тұлғаның туған күні, сексеннің сеңгіріне шыққан мерейлі мерекесі құтты болсын. Мұсахан БАСШЫБАЕВ,
Қармақшы қарлығашы, Нұр-Сұлтан қаласының тұрғыны
