Айнұр Әли 1996 жылы 2 наурызда Қазалы ауданы, Қазалы қаласында дүниеге келген. 2002 жылы Ғани Мұратбаев атындағы №17 орта мектепке алғаш қадам басып, осы білім ордасын 2013 жылы тәмамдаған. Дәл осы жылы Қорқыт ата атындағы Қызылорда мемлекеттік университетіне Қазақ тілі мен әдебиеті және журналистика факультетіне оқуға түседі. Университет қабырғасында жүргенде-ақ жастар саясатына, қоғамдық жұмыстарға белсене араласады. Қара шаңырақты 2017 жылы бітіреді.

Еңбек жолы 2018 жылы Қармақшы аудандық «Қармақшы таңы» қоғамдық-саяси газетінде тілшіліктен басталып, қазіргі таңда бөлім меңгерушісі қызметін атқарады. Осы уақыт аралығында облыстық жастар саясаты мен облыстық денсаулық сақтау басқармасының алғыс хатымен, Қармақшы аудандық жастар ресурстық орталығының, төтенше жағдайлар бөлімінің, аудандық білім бөлімінің, емхананың, Халықаралық «Қазақ тілі» қоғамдық қорының, аудан әкімі болған С.Мақашовтың, қазіргі жаңа өңір басшысы М.Қалдарбековтың алғыс хатымен, облыстық Сыбайлас жемқорлыққа қарсы іс-қимыл агенттігінің облыс бойынша департаментінің алғыс хатымен марапатталған.