Падиша болсаң дағы Құддыс, Шамда, 
Бұқар мен хәкім етсең Һіндүстанда. 
Енгіліш, Прен менен Қытайды алып, 
Дін ашып, жол көрсетсең бұл жиһанға.
Жеңсең де жеті халықтың бәрін тегіс, 
Кірерсің ақыр бір күн көрстанға.
Есепсіз бай болсаңда Қарынбайдай, 
Сақи боп мал шашсаң да Атымтайдай. 
Патшадай Әмір-Темір дін түзетіп, 
Жеңсең де жердің жүзін арыстандай. 
Болсаң да Апылатондай ақылы кәміл, 
Ақыры жатар жерің бір лахат жай.