Нұрсұлтан Назарбаев 4 сыныпта оқиды

Тұңғыш Президентпен аттас үлгілі оқушы №26 мектептің 4 сыныбында оқиды.  Елорда күніне орай туған ұлына әкесі Нұрсұлтан деп ат қойыпты. Осылайша Назарбай ақсақалдың немересі Елбасының аты-жөнін иеленді. Үйдегі басқа балаларға қарағанда Нұрсұлтанның қабілеті ерекше. Мінезі салмақты. Өлеңді бір оқығанда-ақ жаттап алса, математикадан жүйрік.
– Баламның арманы көп. Келешекте мықты азамат болып өсеріне сенемін. Өйткені ұлық адамның аты-жөнін иелену – перзентімді жақсылыққа жетелейді, – дейді анасы Нұргүл.
Тәуелсіздік күні қарсаңында бала Нұрсұлтан ант беріп,  «Жас ұлан» ұйымына қабылданды.