» » » Қорқыттан қалған ұлы өнер

Қорқыттан қалған ұлы өнер

Ш.Төлепова атындағы аудандық мәдениет үйінде аудан әкімнің қолдауы, К.Рүстембеков атындағы «жыраулар үйінің» ұйымдастыруымен «Қорқыттан қалған қоңыр үн» атты облыстық балалар шығармашылығы байқауы өтті.
Төртінші мәрте өткізіліп отқан өнер байқауында жеткіншектер 2 жанр бойынша бақ сынады. Ғасырлар қойнауынан келе жатқан ұлттық өнерді дәріптеуші балғындар дәстүрлі күй мен жырдан додаға түсті.
Қазақылықтың иісін шығарған мәдени бәйгеде жырау Майра Алшынбекқызы, «Мәдениет саласының үздігі» төсбелгісінің иегері, күйші Абылай Ысқақов пен халықаралық «Қазақ тілі» қоғамдық бірлестігі аудандық филиалының төрайымы Күлжауһар Раева өнерпаздарға қазылық етті.
Қазылар алқасының шешімі бойынша «Дәстүрлі күй» жанрының бас жүлдесін қармақшылық өнерпаз Айшолпан Амантай иемденсе, «Дәстүрлі жыр» бөлімінің кіші тобында Қазалылық Абылай Құнанбайұлы оза шапты. Жыр айтуда Арал ауданының жас жыршысы Жансая Файзуллақызы үздік деп танылды.
Бабадан қалған ұлы өнерді ұлықтап, жас ұрпақты тәрбиелеуде зор үлесін қосып жүрген жетекшілер де аудан әкімінің алғыс хатымен марапатталды.
Аслан ЖАЙҚОНЫСҰЛЫ
11 қараша 2019 ж. 1 040 0

PDF нұсқалар мұрағаты

№55 (10320)

13 шілде 2024 ж.

№54 (10319)

10 шілде 2024 ж.

№53 (10318)

06 шілде 2024 ж.

Оқиғалар

Көк тәбішке
12 шілде 2024 ж. 95
Қызғаншақ кемпір

Қызғаншақ кемпір

08 шілде 2024 ж.

Суреттер сөйлейдi

Кешкі бұлттар бейнесі
07 шілде 2024 ж. 210

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031