«Қазақстан археологиясы» журналы қайта шыға бастады

Кеңес одағы кезінде жарық көрген белгілі «Қазақстан археологиясы» журналы қайта басылып шықты, деп хабарлайды «Хабар 24».

Алматыдағы Ғылым ордасында Әлкей Марғұлан атындағы Археология институты дайындаған басылымның тұсаукесері өтті. Қайта шыққан журналдың алғашқы санында шетел ғалымдарының пікірілері мен отандық археологтардың тың ғылыми жаңалықтары басылған. Жылына төрт рет шығатын  «Қазақстан археологиясы» журналы қазақ, орыс және ағылшын тілдерінде жарық көреді. Себебі, ғылыми журнал халықаралық мәртебеге ие. Жаңа басылымда далалық зерттеулердің нәтижелері, теориялық талдамалар, Қазақстанның ежелгі және ортағасырлық тарихы мен мәдениеті туралы тұжырымдамалар басылады. «Себебі, дәл қазіргі таңда   отандық археология саласының ғылыми жаңалықтары мен түйінді мәселелерін көтеретін, тек археология саласына тиесілі мұндай мерзімді басылым жоқ», – дейді білікті мамандар.