Қазақстандық өнерпаз "Танцы на ТНТ" шоуында үшінші орын алды
Алматылық Александр Ли ресейлік "ТНТ" телеарнасындағы "Танцы" шоуында қола жүлдеге ие болды.
Төрт айға созылған "Танцы на ТНТ" бесінші маусымы аяқталды.
21 жастағы Тула (Ресей) қаласының тумасы Алексей Летучий жеңімпаз атанып, үш миллион рубльді қанжығасына байлады.
Екінші орынды израильдық Юви есімімен танымал 25 жастағы Юваль Ламай иеленді.
Қола жүлдені Т.Жүргенов атындағы Қазақ ұлттық өнер академиясының түлегі алматылық Саша Ли жеңіп алды.
Маусымның финалдық кезеңінде Саша Ли Ювимен сахнада мюзикл ұйымдастырды. Бұл олардың бірге орындаған үшінші жұмысы.
