СЫР ЖАСТАРЫ «MEN QAZAQPYN» МЕГАЖОБАСЫНДАҒЫ «ҮЗДІК ТЕРМЕШІ» НОМИНАЦИЯСЫНЫҢ ЖЕҢІМПАЗЫ
«Men qazaqpyn» халықаралық телевизиялық мегажобасында "Үздік термеші" номинациясының жеңімпазы, тағылымдық мәні зор қазынамызды ұлықтап жүрген жерлесіміз - Күнсұлу Түрікпенді сыр жастары әуежайдан күтіп алды
Ақтық сынға жолдама алған 9 үміткердің ішінен суырылып шыққан жерлесіміз үздік болып танылды.
Жобаның мақсаты – еліміздің түкпір-түкпіріндегі дәстүрлі әнші-термеші, күйшілердің басын бір арнада тоғыстырып, еліміздің әр аймағында қалыптасқан өнер мектептерінің таңдаулы туындыларын дәріптеу, атадан-балаға мұра болып келе жатқан төл өнеріміз күй, жыр-термені дамытып, заманға сай жаңашаландырып, өскелең ұрпаққа насихаттау болып табылады.
