Облыстық суретшілер байқауы өтті

Аудандық мәдениет үйінде Қармақшы ауданы әкімдігінің қолдауымен, Ш.Төлепова атындағы аудандық мәдениет үйінің ұйымдастыруымен ҚР Конституциясына 30 жыл толуына орай «Бояулар құпиясы» атты облыстық суретшілер байқауы өткізілді. Байқауға Қызылорда қаласы мен аудандардан 12 өнерпаз қатысып, 2 кезең бойынша өзара бақ сынасты. Байқауға аудандық өлкетану музейінің суретшісі Жанабилов Бекзат Сламбекович, Қармақшы аудандық оқушылар үйінің «Бейнелеу өнері» үйірмесінің жетекшісі Жұмабеков Ербол Ерғабылұлы, Ш.Төлепова атындағы аудандық мәдениет үйі жанындағы халық театрының суретші - декораторы Сайлауов Мирамбек қазылық етті.
Қазылар алқасының шешімі бойынша Бас жүлде - Жүсіпбек Мәди /Жалағаш ауданы, Далдабай ауылы/, І орын - Яхия Нұрдәулет /Қармақшы ауданы, Тұрмағамбет ауылы /, ІІ орын - Айтжанбек Әдемі /Қызылорда қаласы, Қызылжарма ауылы/, ІІІ орын - Қасыралы Дариға /Қазалы ауданы, Абай ауылы/ иеленді. Барлық қатысушыларға алғыс хаттар мен ынталандыру сыйлықтары табысталды.