"Жігіт сұлтаны" аудандық байқауы өткізілді

qarmaqshy-tany.kz Аудан әкімдігінің қолдауымен Ш.Төлепова атындағы аудандық мәдениет үйінің ұйымдастыруымен Жаңажол ауылдық клуб үйінде "Жігіт сұлтаны" аудандық байқауы өткізілді.

Аудандық мәдениет және спорт бөлімінің басшысы Дәурен Дауылбекұлы алғы сөз сөйлеп шараға қатысушыларға сәттілік тіледі. Ұлттық тәрбие құндылықтарын насихаттау, өскелең ұрпақтың ұлтжандылық сезімін ұштау, ұлттық рухты сіңіру мақсатында өткізілген байқауға 8 ауылдық округтен талапкерлер қатысып, 4 кезең бойынша бақ сынасты.

Әділ қазылардың шешімі бойынша Бас жүлде Сламханұлы Шерхан /Жаңажол ауылы/,

І орын Әмзеев Бекқадыр /Қармақшы ауылы/,

ІІ орын Азаматов Алмат /Тұрмағамбет ауылы/,

ІІІ орын Жалғасов Абылай /Ақтөбе ауылы/ иеленді. Барлық қатысушыларға алғыс хаттар мен бағалы сыйлықтар табысталды.