БЕЛГІЛІ ЖЫРАУ БИДАС РҮСТЕМБЕКОВКЕ «ТҰРАН» СЫЙЛЫҒЫ ТАБЫСТАЛДЫ
Қызылорда қаласындағы «Өнер орталығында» Мәдениет және өнер қызметкерлері күніне орай салтанатты шара өтті. Мерекелік жиынға облыс әкімі Нұрлыбек Машбекұлы Нәлібаев, мәдениет саласының ардагерлері мен қызметкерлері, зиялы қауым өкілдері қатысты.
Аймақ басшысы жиналған қауымды кәсіби мерекемен құттықтап, өңір мәдениетінің жетістіктеріне тоқталып, сала үздіктерін салтанатты түрде марапаттады.
Солардың қатарында Қармақшы ауданының тумасы, белгілі жырау, «Ерен еңбегі» медалінің иегері, «Мәдениет саласының үздігі» төсбелгісінің иегері, Қармақшы ауданының құрметті азаматы Бидас Рүстембекұлына республикалық деңгейдегі «Тұран» сыйлығы табысталды.
Бұл марапат – халық өнеріне өмірін арнап, жыраулық дәстүрді насихаттауда өлшеусіз еңбек сіңіріп келе жатқан өнер иесінің шығармашылығына берілген жоғары баға.
