ҚАЛАМГЕР. ҚАЙРАТКЕР. ТҰЛҒА.
Қармақшы аудандық Көшеней Рүстембеков атындағы Жыраулар үйіне қарасты "Рүстембек жырау" үйірме жетекшісі Б.Бедебаевтың ұйымдастыруымен ақын, жазушы Адам Мекебаевтың 85 жылдығына орай "Қаламгер. Қайраткер. Тұлға" тақырыбында танымдық ашық сабақ болып өтті.
Сабаққа Ақжар ауылдық ақсақалдар кеңесінің төрағасы Ибайдулла Нарымбетов, әйелдер кеңесінің төрайымы Рая Жөнейтова және С.Бөртебайұлы атындағы Ақжар ауылдық клуб үйінің қызметкерлері қатысты. Үйірменің талантты шәкірттері Балтабай Талант, Темирбай Іңкәр және Шалқарова Іңкәр, Иненбай Айгерімдер жыр-терме орындап, қатысушы қонақтардың батасын алды.
