"Алғысым шексіз" атты мерекелік концерті өтті
ІІІ Интернационал ауылдық мәдениет үйінде "Адал адам" мәдени-тәрбие беру орталығының апталық жұмыс жоспары бойынша "АРТ уақыт" жобасы аясында «1 наурыз — Алғыс айту күніне» арналған үйірме өнерпаздарының қатысуымен "Алғысым шексіз" атты мерекелік концерті болып өтті.
Шараны мерекелік құттықтаумен ауыл әкімі Н.Сайымов ашып, бірнеше сала қызметкерлерін алғыс хаттармен марапаттап, естелік суретке түсті.
Сонымен қатар "ІІІ Интернационал Жер" ЖШС-нің директоры С.Тұрманов, түрік ұлтының өкілі Р.Даврушевтар ақ тілектерін айтса, ардагерлер кеңесінің төрағасы С.Мұхтаров батасын беріп, көрермендер ыстық ықыластарын білдірді.
