qarmaqshy-tany.kz К.Рүстембеков атындағы Жыраулар үйінің ұйымдастыруымен, Алдашбай ахун ауылында Қармақшы ауданының құрылғанына 95 жыл, Сыр сүлейі Омар Шораяқұлының туғанына 145 жыл толуына арналған "Жыр мұраны құндақтаған - ҚАРМАҚШЫ" атты жыршы-жыраулар концерті өткізілді.

Ән-жыр кешін ауыл әкімі Жаханов Ермек Молдабекұлы ашып, өнерпаздарға сәттілік тіледі. Жыршы-жыраулардың терме -толғауларына қаныққан көзі қарақты көрермендердің ыстық ықыласы қошеметінен байқалды. Осы ауылдың тумасы, ерекше жан Қайрат Кәрібозов та өз өнерін ортаға салды.

Шара соңында ауыл ақсақалы, ауылдық ардагерлер кеңесінің төрағасы Айтмаханов Қартабек қария тұрғындар атынан ризашылығын білдіріп, батасын берді.