Сүлейлер салған ізбенен...

Көшеней Рүстембеков атындағы Жыраулар үйінде «Базар жырау» үйірмесінің жетекшісі, жас жыршы Руслан Өтегеновтің «Сүлейлер салған ізбенен...» атты жеке шығармашылық жыр кеші болып өтті.

Жыр кешін жырау, Қармақшы ауданының құрметті азаматы, жырау Бидас Үрістембеков ашып берді. Ақын Сырым Әділбековтің арнау жырынан соң, жыршы Руслан Өтегенов шәкірттерімен жырдан шашу шашты.

Кеш қонақтары Сырдария ауданының жыршы-термешісі Ғасырбек Шәпиев және "Қорқыт" қобыз үйірмесінің жетекшісі Зияда Жаңабергеновалар өнерлерін ортаға салды.

Қорытынды сөз Р.Өтегеновтің ұстазы Жарқынбек Тұрымбетовке және Жыраулар үйінің директоры Айгерім Ешбаеваға берілді.