Қармақшы аудандық Көшеней Рүстембеков атындағы Жыраулар үйінің ұйымдастыруымен «Рухани жаңғыру; Болашаққа бағдар» мақаласы аясында «Жыр – қазына» тақырыбында жыршы-термешілер концерті болып өтті. Концертке Жыраулар үйінің үйірме жетекшілері мен үйірме шәкірттері қатысты. Шараны ақындар үйірмесінің жетекшісі Сырым Әділбеков «Арнау» жырмен ашты. "Базар жырау" үйірмесінің жетекшісі Руслан Өтегенов шәкірттерімен өнерлерін ортаға салды. «Көшеней жырау» үйірмесінің шәкірттері Маратқызы Аяулым, Ибрагим Рабия және Амантай Айдана көрермен ықыласына бөленсе, «Қорқыт» қобыз үйірмесінің жетекшісі Жаңабергенова Зияда /жетіген/ мен Мейрамбекқызы Айшаның /қобыз/ орындауындағы Абайдың «Көзімнің қарасы» өлеңі тыңдарманды таңқалдырды.