"Алаш ұлағаты - ұландар үнінде" жылдық акциясы аясында "қасиетті домбыра" фестивалі

qarmaqshy-tany.kz  "Жас ұлан" балалар мен жасөспірімдер ұйымының "Алаш ұлағаты - ұландар үнінде" жылдық акциясы жоспарына сәйкес Қармақшы ауданы бойынша білім бөлімінің "№28 орта мектебі" коммуналдық мемлекеттік мекемесінде 30-шы наурыз күні "Қасиетті домбыра" тақырыбында аудандық фестиваль өткізілді. Шара "Шежірелі домбыра" биімен бастау алып, "Таланттар туған ауылым" бейнеролигімен жалғасты. "Жыр жауһары" домбырашылар тобы жырдан шашу шашты. Фестивальға аудан мектептерінен күйшілер мен термешілер, дәстүрлі ән орындаушы оқушылар келіп өнер көрсетті. Өнерпаздар облыстық "Жас ұлан" ұйымының "Алғыс хатымен" марапатталды. Фестивальға "Аманат" партиясы Қармақшы аудандық филиалы демеушілік көрсетті.