qarmaqshy-tany.kz 2023 жылғы 21 наурызда ҚР Мәдениет және спорт министрлігінің ұйымдастыруымен Наурыз мейрамы аясында Қалибек Қуанышбаев атындағы Мемлекеттік академиялық қазақ музыкалық драма театрында Халықаралық жыршы-термешілер фестивалі өтті.

Іс-шараға Тұрмағанбет ауылы жыр мектебінің түлектері - жыршы Əділхан Қуаңбаев жəне жас термеші Арай Оңғарқызы қатысты.

Ауылдастарымыз Қазақстанның еңбек сіңірген қайраткерлері Алмас Алматов, Айгүл Қосанова, Елмұра Жаңабергенова, мәдениет қайраткерлері Ерболат Шалдыбеков, Елікбай Иса, Фархат Оразов, Қайрат Кәкімов сияқты танымал жыршылармен бір сахнада өнер көрсетті.

Шара қорытындысында Əділхан Қуаңбаев пен Арай Оңғарқызы ҚР Мəдениет және спорт министрінің Алғыс хатымен марапатталды.