"Ата мен әже - қазақи тәрбиенің бастау бұлағы"

qarmaqshy-tany.kz Аудандық мәдениет үйінде "Балалар жылына" орай ІІІ Интернационал ауылдык мәдениет үйінің ұйымдастыруымен "Ата мен әже - қазақи тәрбиенің бастау бұлағы" атты ата-әже мен немеренің қатысуымен аудандық онлайн бейнероликтер байқауы өтті. Әділқазылар алқасы құрамында аудандық мәдениет және тілдерді дамыту бөлімінің басшысы Д.Ержанов пен халықаралық "Қазақ тілі қоғамының" аудандық бірлестігінің төрайымы К.Раеваның шешімімен байқаудың бас жүлдегері болып Алдашбай ахун ауылынан қатысушы Панабек Қалиев танылса, І орынға ақжарлық Бихан Дүйсенова, ІІ орынға тұрмағамбеттік Кенішкүл Үбдарова, ал жүлделі ІІІ орынға қызылтамдық Гүлжан Әлібаева мен төребайбилік Сәндібек Мусаев көтерілді. Өз өнерлерімен танылған қатысушылар - Қармақшы ауылының тұрғыны Бимұрат Смайылов пен көмекбаевтық Нәкетай Әлмұратовтар алғыс хатпен марапатталды.