Алматы облысында «Қорқыт ата» телехикаясының түсірілімі басталды
qarmaqshy-tany.kz Бүгін түсірілім алаңына ҚР Ақпарат және қоғамдық даму министрі Дархан Қыдырәлі барды. Тарихи туындыны «Қазақстан» телерадиокорпорациясы мен Өзбекстанның «Кинематография агенттігі» бірлесе түсіреді.
Телехикая 4 бөлімнен тұрады.
«Дала абызына қатысты аңыздардың көпшілігі қазақ даласында сақталған. Өздерінің түп-тамырын Қорқытпен байланыстыратын халықтар көп. Сондықтан бұл телехикая халықаралық нарықта танымал жоба болатынына сенеміз. Ең алдымен, өз тұлғаларымызды дәріптеуде осындай сериалдардың маңызы зор»,- деді министр Д.Қыдырәлі.
Министр түсірілім тобына Түркі академиясы зерттеушілерінің Алтайдың Қарақаба жазығынан тапқан V-VІ ғасырға тиесілі қобызды пайдалануды ұсынды.
