15 қыркүйек - Отбасы күні
Қармақшы аудандық мәдениет және тілдерді дамыту бөлімінің қолдауымен және аудандық Шәмшат Төлепова атындағы мәдениет үйінің ұйымдастыруымен 15 қыркүйек - Отбасы күні мерекесіне орай аудандық өнерлі отбасылар фестивалі болып өтті. Фестивальге Төретам кентінің өнерлі жанұясы Есманбетовтер жанұясы қатысып,өз өнерлерін көрсетті. Шара барысында өнерлі жұптар ән айтып, би билеп, аспапта ойнап көрермен көңілін көтеріп, рухани азық сыйлады.
Керемет кеште Төретам кентінің үкілеген үмітін ақтаған Есманбетовтер отбасының анасы-Қайнарбаева Гүлнұр, балалары-Есманбетова Аяулым мен Есманбетов Даниял әсем ән шырқап, көрерменнің ыстық ықыласына бөленді.
Фестиваль соңында мәдениет және тілдерді дамыту бөлімінің басшысы Ержанов Дәурен мырза қатысушы отбасыларға алғысын білдіріп, дипломдар мен бағалы сыйлықтар табыстады.
