Елбасының «Рухани жаңғыру» бағдарламасы аясында жастарды қолдау мақсатында Т.Салқынбайұлы атындағы балалар әуез мектебінде жақында «Жас маман жаңа заман көзімен» атты сайыс өтті.
Онда жас ұстаздардың жан-жақты өз кәсіби шеберлігі, мәдениеттілігі, жұмысқа деген жауапкершілігі сарапқа түсті. Аталған шараға 5 жас маман қатысып, өз өнерін ортаға салды. Олар байқаудың әр кезеңіне тыңғылықты дайындалып, тағы бір қырынан танылды. Мамандар мың бұрала билеп, күй тартып, әуелеген әсем әнмен сайысты жандандырып, көрермен қошеметіне ие болды.
Қазылардың қорытындысымен домбыра класының мұғалімі Гүлжан Дембаева І орынды жеңіп алса, фортепиано класының мұғалімі Азат Ысқақ пен домбыра класының мұғалімі Айжан Тойбазарова ІІ орыннан көрінді. Ал ІІІ орынды баян класының мұғалімі Сұлтан Қалжан мен Мұхаммед Сәбитұлы қанжығасына байлады. Шара әсерлі де мәнді өтті.