ЖАСТАР ҚАЙЫРЫМДЫЛЫҚҚА БЕТ БҰРДЫ
Бірі – білсе, бірі – білмес жақында ауданның бірқатар жасы «Қармақшы қайырымды жандары» еріктілер тобын құрды. Топтың мақсаты – мұқтаж жандарға қолдан келгенше көмек беріп, қайырымдылық жасау. – Бұл біздің көптен ойлап жүрген іс болатын. Уақыты енді келген секілді. Қазір не істерін білмей жүрген жандар көп. Біз осы мақсатта жастардың уақытын босқа өткізбей, жақсылық жасауға шақырудамыз. Биыл «Жастар жылы» деп жатырмыз. Жігерленетін кез келді. Ал ендеше уақытты текке кетірмей, жақсылық жасап жарысайық, – дейді топ жетекшілері.
Бұл қатарға сізде қосыла аласыз. Ол үшін @karmakshy_kaiyrymdy_jandary инстаграм парақшасына тіркеліп жазсаңыздар болады. Жақсылық жасау сіздіңде қолдан келеді. Жастар бастаған игі бастаманы көп болып қолдайық!
