Жосалы кенті тұрғындарының назарына

Конго-Қырым геморрагиялық қызба сырқаттанушылығының қоздырғышы вирус болып табылады, резервуары – ауылшаруашылық малдар, жабайы сүтқоректілер (қоян, тышқан тәрізді кеміргіштер, кірпі және сарышұнақ, құмтышқан). Вирусты таратушылар кенелер. Ауру адамға кене шаққанда, ауылшаруашылық малдарының, жабайы сүткоректілердің қанын сорған кенелерді алып тастағанда, қой қырыққан уақытта қолды кесіп кеткенде вируспен зақымдалған қан адам денесінің ашық жерлеріне тиіп ауру содан жұғады.

Осыған орай, індеттің алдын-алу мақсатында ағымдағы жылдың сәуір-маусым айында залалсыздандыру жұмыстарын жүргізу жоспарлануда. Сондықтан, залалсыздандыру жұмыстарына кері әсер ететін мал сақтары мен көңдерді азайтып, тез арада мал қораларыңызға тазарту жұмыстарын жүргізу сұралады.