Бүгінде еліміздің бірнеше өңірінде табиғи апат қауіпі күшейіп, көктемгі су тасқыны басталды. Су тасқынына байланысты көршілес Ақтөбе облысының орталығы мен бірнеше аудандарында төтенше жағдай жарияланды.

«ҚазАвтоЖол» АҚ Қызылорда облысы бойынша филиалы Республикалық маңызы бар автомобиль көлік қозғалысына шектеу қою туралы ресми мәлімдеме жасады.

Мәлімдемедегі ақпарат бойынша ағымдағы жылдың 28 наурызы сағат 21.00-ден бастап Ақтөбе облысының ауа-райының нашарлауына байланысты (жол көпіріне барар жолдың ішанара бұзылуы) республикалық маңызы бар М-32 «Самара-Шымкент» автомобиль жолының 1240-1357 шақырым аралығына (Ақтөбе облысының шекарасынан Арал қаласы дейін) барлық көліктердің қозғалысына уақытша шектеу қойылған.

Қазіргі уақытта аудан тұрғындарын Ақтөбе облысы бағытында жолға шықпауға және орын алған апатты жағдайға байланысты түсіністік танытуға шақырамыз.