Орман, тоғай және дала алқаптарын өрттен сақтайық

«Қармақшы орман, тоғай және жануарлар дүниесін қорғау жөніндегі мемлекеттік мекемесі» коммуналдық мемлекеттік мекемесінің орман күзеті және өрт сөндіруші қызметкерлеріне, аудандық төтенше жағдайлар бөлімінің қызметкерлері орман, тоғай және дала алқаптарындағы өрттерін болдырмау мақсатында үгіт-насихат жұмыстарын жүргізді. Осы орайда орман, тоғай және дала алқаптарында өрт орын алған жағдайда тиісті шаралар қолдануды, өрт қауіпсіздігі ережелерін бұзған азаматтарға хаттама толтыру мәселелерін түсіндірді.  Орман өрт сөндірушілері өздерінің міндеттері бойынша орман қорының аумағында өрттен келтірілген залалды есепке алу, анықтау және өтеу қағидаларына сәйкес жұмыстар атқарулары жөнінде айтты.
Құрметті аудан тұрғындары!
Ауданымыздың табиғи жаңаруына ықпал жасай отырып, орман, тоғай және дала алқаптарында өрт фактілері орын алған жағдайда 101 немесе 112 телефон нөмірлеріне және «Қармақшы орман, тоғай және жануарлар дүниесін қорғау жөніндегі мемлекеттік мекемесі» коммуналдық мемлекеттік мекемесінің 2-19-62, 2-29-57 телефондарына хабарласуларыңыз сұралады.

Д.БАЙРАХМЕТОВ,
аудандық төтенше
жағдайлар бөлімінің аға инженері,азаматтық қорғау аға лейтенанты