Ақай ауылдық округіндегі «Мүсірәлі сопы Әзіз» мешітінде қасиетті «Құрбан айт» мерекесіне орай «Жеті Ру» ұрпақтары ас берді. Мерекеге Қызылорда қаласы, Жалағаш, Қармақшы және Қазалы аудандарынан Жеті рудан тараған қонақтар келді. Асқа 400 ге жуық адам жиналды. 

«Құрбан айт» мерекесіне ҚР Президентінің Байқоңыр кешеңіндегі арнаулы өкілінің қызметін қамтамасыз ету басқармасы басшысының орынбасары М.Демесинов, облыстық маслихатының депутаттары К.Үйреков пен А.Дәуленбаев, ауылдың бас имамы А.Нұрғалиев және келген қонақтар сөз сөйлеп ауыл тұрғындарын мерекемен құттықтап, ізгі тілектерін білдірді. Жиналған қонақтар жайылған дастарханнан дәм татып, баталарын берді. Сонымен қатар, айт намазынан кейін «Құрбан айт» мерекесіне арнайылап құран бағыштап, құрбандыққа қой шалып, ауылдағы тұрмысы төмен отбасыларына таратты.

Мереке «Қалмырза» төбеде спорттық іс-шаралармен жалғасын тауып, жарысқа қатысушы жеңімпаздар бағалы сыйлықтармен марапатталды