ҚҰРБАН АЙТ МЕЙРАМЫ Ақай ауылдық округінде аталып өтті

Күллі мұсылман қауымы үшін қасиетті Құрбан айт мейрамы - қайырымдылық пен кеңпейілділіктің, береке-бірліктің бейнесі саналады.

"Мүсірәлі Сопы Әзіз " мешітінде жиналған жамағатты ҚР Президентінің Байқоңыр кешеніндегі арнаулы өкілінің қызметін қамтамасыз ету басқарамасы басшысының орынбасары М.Демесинов, ауыл әкімі Г.Умарова, Төретам кентінің әкімі Ш.Сүйембетов Ақай ауылдық округі және Төретам кенті ақсақалдар алқасы төрағалары Құрбан айт мейрамымен құттықтап, имандылық ізгі істерден басталатынын, халықтың ықылас-ниеттерінің түзу, бірлігінің нық болуын тіледі.

Сонымен қатар, мешіттің бас имамы Нұрғалиев Аяған мейрамның мән-маңызын түсіндіріп өтті.

Намаздан кейін жиналған қауым жайылған дастарханнан дәм татты. Мешіт ауласындағы арнайы белгіленген орында көпшілік ақсақалдардың батасын алып, құрбандық шалды.

Сонымен қатар, Құрбан айт мерекесіне орай қол күрес, гір тасын көтеру және арқан тартыс ойындары ұйымдастырылып, сайыс жеңімпаздары сый-сияпатқа ие болды.