Тұрғындарға өрт қауіпсіздігі жөнінде түсіндірілді
Қармақшы ауданы бойынша 2019 жылдың 7 айында 28 өрт тіркелді. Оның 8 автокөліктерде, 20 өрт оқиғасы тұрғын секторларда болған. Осыған байланысты өрттердің алдын алу және болдырмау мақсатында Қармақшы ауданының Төтенше жағдай бөлімі, №10 өрт сөндіру бөлімі және Байқоңыр қаласы №8 өрт сөндіру бөлімінің қызметкерлері тұрғындар арасында өрт қауіпсіздік ережелерін сақтау бойынша үгіттеу - түсіндіру жұмыстарын жүргізіп, жаднамалар таратты.
