ТҰРҒЫНДАР ТІЛЕГІ
Аудан әкімі Сұлтан Мақашов «Nur Otan» партиясы аудандық филиалында кент тұрғындарын қабылдады.Қабылдауда кент тұрғыны, зейнеткер Әсемкүл Маханова бүйрегін ауыстырған баласының дәрі-дәрмегіне қаржылай көмек сұрады. Аудандық аурухананың бас терапевті Айдос Жаналиев науқастың әрдайым дәрігердің бақылауында екенін, қазіргі таңда тегін медициналық дәрі-дәрмектің беріліп жатқанын айтып өтті. Сонымен бірге аудан әкімі тегін дәрі-дәрмектен бөлек профилактикалық емі үшін 6 ай көлемінде қабылдайтын препарат бойынша ауданымыздың бас терапевті А.Жаналиевке зерделеу жұмысын жүргізуді тапсырды.
Мұнан соң кент тұрғыны Бақыт Ақбергенова несие мәселесі бойынша қабылдауда болды. Аудан әкімі Сұлтан Ысқақұлы тұрғынның өтінішін тыңдап, түсіндірме жұмысын жүргізіп, жауапты тұлғаларға тиісті тапсырма берді.
Ақнұр САҒЫНТАЙ
