«Нұр Отан» партиясы Қармақшы аудандық филиалының төрағасы, аудан әкімі Мақашов Сұлтан Ысқақұлы аудандық партия филиалының қоғамдық қабылдау бөлмесінде кент тұрғындарын жеке мәселелері бойынша қабылдады. Қабылдау барысында Жосалы кентінің тұрғыны «Қазақ соқырлар қоғамы» Қармақшы аудандық бастауыш ұйымының төрайымы Тохбанова Күнсұлу кәсіпкерлік саласын дамытуға байланысты жобалар жөнінде, Құрбанбаева Гүлдерай 2013 жылы Өзбекстан Республикасынан көшіп келген, осы күнге дейін жұмыс мәселесі шешілмей келеді. Соған байланысты Солтүстік Қазақстан облысына қоныс аудару туралы және қаржылай көмек сұрайды. Өтініш иелерінің мәселесіне байланысты филиал төрағасы бөлім басшыларына тиісті жұмыстарды атқаруды тапсырып, кеңестер берді.