НАУБАЙХАНА АШЫЛДЫ
ІІІ Интернационал ауылында жаңа наубайxана ашылды. Бұл жеке кәсіпкер Луиза Маxамбетованың бастамасы. Наубайханың ашылуында ІІІ Интернационал ауылдық округінің әкімі Асет Омаров кәсіпкерге жылы лебізін білдіріп, ауыл тұрғындарының қуанышымен бөлісті. Сонымен қатар лента қию рәсімі ауылдық округі әкімі А.Омаров пен ауыл тұрғыны Али Гейдаровқа ұсынылды.Сонымен қоса аудандық кәсіпкерлік,өнеркәсіп және туризм бөлімі басшысының міндетін атқарушы Бостан Құндақбаев құттықтау сөз сөйлеп, ыстық ықыласын жеткізді.
Луиза Маxамбетова "Микробизнес Қызылорда" бағдарламасы аясында өткізілген жобаға қатысып, несие алып кәсібін дөңгелентіп отыр. Наубайxана барлық қажетті заманауи құрал-жабдықпенен жабдықталған. Мұнда тәулігіне тапсырысқа сай 150 көмеш нан пісіріледі. Енді ыстық нан ауылдағы бірнеше дүкендерге жеткізіліп отыр.
Ақнұр САҒЫНТАЙ.
