» » Тәуелсіздік жылдары Қазақстан экономикасына 125 миллиард доллар еуропалық инвестиция тартылған

Тәуелсіздік жылдары Қазақстан экономикасына 125 миллиард доллар еуропалық инвестиция тартылған

Қазақстан Республикасының премьер-министрі Асқар Мамин Еуропалық Одаққа қатысушы елдердің дипломатиялық миссия басшыларымен инвестициялық ынтымақтастықты одан әрі дамыту мәселелері бойынша кездесу өткізді, - деп хабарлайды Тengrinews.kz тілшісі Үкімет баспасөз қызметіне сілтеме жасап.  Тараптар сауда-экономикалық өзара іс-қимылдың өзекті мәселелері бойынша пікір алмасты. Ауыл шаруашылығы өнімдерін сату көлемін арттыру келешегі талқыланды. Қазақстандық өнім экспортын ЕО-та ілгерлетуге ерекше көңіл бөлінді.  ҚР премьер-министрі Асқар Мамин Еуропалық Одақтың Қазақстанның аса ірі сауда және инвестициялық серіктестерінің бірі екенін атап айтты. ҚР-ның сыртқы сауда айналымының 40 пайыздан асаы ЕО-ға тиесілі. 2018 жылы екіжақты сауда айналымы 26 пайызға артты.
Бүгінде Қазақстанда еуропалық қатысумен 4 мыңнан аса компания тіркелген, 2 мыңнан артық бірлескен кәсіпорындар бар. Тәуелсіздік жылдары Қазақстан экономикасына барлығы 125,1 миллиард доллар еуропалық инвестиция тартылған.  "Инвестициялық ынтымақтастықты арттыру бойынша жұмыс істеу қажет", - деді Асқар Мамин, индустрияландыру, агроөнеркәсіптік кешен, транзиттік-көлік әлеуеті, қаржы секторы салаларындағы зор әлеуетті атап өтіп.  ҚР Үкіметінің басшысы елімізде инвестициялық ахуалды жақсарту бойынша белсенді жұмыстар жүргізіліп жатқанын айтты, жемісті өзара іс-қимылды жалғастыруға қызығушылықты және экономиканың барлық секторларында сауда-саттық байланыстарын дамыту бойынша тығыз ынтымақтастық орнатуға әзірлікті жеткізді.  Өз кезегінде, дипломатиялық миссиялар басшылары Қазақстанда бизнесті жүргізу үшін қолайлы жағдайлар тудыру бойынша жұмыстардың оң динамикасын атап өтті. ҚР-дағы ЕО Өкілдігінің басшысы Свен-Олов Карлссон елдердің жолға қойылған екіжақты байланыстары және ҚР Үкіметінің белсене тартылуы қолда бар әлеуетті пайдалану арқылы инвестициялық ынтымақтастықты нығайтуға қосымша серпін беретініне сенім білдірді.  Талқылауға Германия, Франция, Латвия, Грекия, Нидерланды, Австрия, Финляндия, Бельгия, Швеция, Польша, Италия, Хорватия елшілері, Ұлыбритания, Испания, Литва, Мажарстан, Болгария, Румыния, Словакия, Чехия, Эстония өкілдері, ірі әлемдік компаниялар басшылары қатысты.  


02 шілде 2019 ж. 581 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031