САҚА САЯСАТКЕР
Егемендік алған соң қазақ елін әлем таныды. Мемлекетіміз Біріккен Ұлттар Ұйымынан бастап, көптеген беделді халықаралық ұйымдарға мүше болды. Қазақстанда тұратын барлық ұлттың тілінің, дінінің дамуына толық мүмкіндік жасалды. Қазақстан бірінші болып ядролық қарудан бас тартып, бейбіт өнім өндіретін қарусыз мемлекетке айналды. Ширек ғасырға жуық уақытта дамыған 50 елдің қатарына қосылдық. Ендігі нысан – озық отыздықты бағындыру. Тұңғыш Президент осы мақсат жолында тынбай еңбек етті. Өз кезегінде биліктен заңды әрі бейбіт жолмен кетіп, ел тізгінін мемлекет қайраткері Қасым-Жомарт Тоқаевқа берді. Ал мемлекет басшысы кезектен тыс Президент сайлауын үстіміздегі жылдың 9 маусымында өткізу туралы шешімін қабылдады.Біз үшін бұл сайлаудың орны бөлек. Қорытынды есепте 70 процентке жуық дауыспен Қ.Кемелұлы алға шығып, ҚР Президенті болып сайланды. Мемлекет басшысы алдын ала болжамды нәтиже шыққан соң өзіне сенім артқан қазақстандықтарға риясыз алғысын да айтты. Сондай-ақ, ол еліміздегі саяси мәдениеттің өскенін білдірді. Иә, Қ.Кемелұлы – сақа саясаткер. Оның Қазақстан халқы үшін аянбай еңбек ететініне сенім мол.
Жасұлан МҰХАНБЕТҚАЛИЕВ,
«Нұр Отан» партиясы қармақшы
аудандық филиалының кеңесшісі.
