ЕЛ ТАҢДАУЫ БОЛАШАҚ БАСТАУЫ
Қазақ елі екінші мыңжылдықтың ширек ғасырға жуық уақытын табысты аяқтап, әлемнің дамыған 50 елінің қатарына қосылды. Бүгінде татулығы тұрақты, ынтымағы ырысты, байрағы биік елдің әлеуметтік-экономикалық әлеуетін арттыру үшін ауқымды бағдарламалар қабылданып, өз нәтижесін беруде. Иә, тәуелсіздік таңы атқан сәттен бастап ел басқарған Н.Назарбаев билігі қазақстандықтардың есінде тұрақтылық пен жаңару, даму мен бейбітшілік белгісі болып қалатыны сөзсіз. Қазақстан Республикасының Тұңғыш Президенті Н.Назарбаев биліктен заңды әрі бейбіт жолмен кетіп, ел тізгінін мемлекет қайраткері Қасым-Жомарт Тоқаев алды. Мемлекет басшысы кезектен тыс Президент сайлауын 2019 жылдың 9 – маусымында өткізу туралы шешім қабылдады. Арадағы уақыт зымырай өтіп, кеше ғана әділ сайлаудың куәсі болдық. Дауыс бердік. Таңдау жасадық.
Біз осы сайлаудан үлкен үміт күттік. Себебі, бұл біздің болашағымызды, ертеңімізді, ұрпақтарымыздың ертеңін айқындайды. Сайлаудағы ел таңдауы – болашақтың бастауы болмақ.
Нұрлан БЕЙБІТОВ,
аудандық ішкі саясат бөлімінің бас маманы.
